ജീവിത ഗന്ധിയായ സംഗീതം പോലെ...വേനലിലെ കുളിര്‍മഴ പോലെ....ആത്മ നൊമ്പരങ്ങളുടെ......തുടിപ്പുകളിലൂടെയുള്ളൊരു യാത്ര..!

Ash Welcomes U..!




എന്നെ കുറിച്ച്..

My photo
കണ്ണുകള്‍ ഉണ്ടായിട്ടും കാണാതെ പോവുന്ന ചില സത്യങ്ങള്‍..യാഥാര്‍ത്ഥ്യങ്ങള്‍ക്കു മുന്നില്‍ നാം പോലുമറിയാതെ അടഞ്ഞു പോവുന്ന നമ്മുടെ ഉള്‍ കണ്ണുകള്‍ ..ഇതിലേക്കുള്ള എന്‍റെ ഈ പ്രയാണത്തില്‍ നിങ്ങളെ ഞാന്‍ സ്വാഗതം ചെയ്യുന്നു.. പ്രിയ സുഹൃത്തുക്കളേ , നിങ്ങളുടെ മനസ്സിന്റെ കോണില്‍ ചടഞ്ഞു കൂടിരിയിരിക്കുന്ന ചിന്തകളെ വെളിച്ചത്തിലേയ്ക്കു കൊണ്ട് വരുവാന്‍ ഞാന്‍ ആഗ്രഹിക്കുന്നു...നമ്മുടെ ''മനഃസാക്ഷി'' നാം ഇവടെ തുറന്നു കാട്ടുന്നു...പലപ്പോഴും, വ്യക്തികളും സാഹചര്യങ്ങളും പരിമിതികളും നമ്മുടെ ഈ മനസ്സാക്ഷിക്കു മേല്‍ ഭാരമേല്‍ക്കുന്നത് കൊണ്ടാവാം, നമ്മുടെതെന്ന് കരുതുന്ന ചില ജീവിത മൂല്യങ്ങളെ നമ്മില്‍ തന്നെ അടിയറവു വെയ്ക്കാന്‍ നമ്മെ പ്രേരിപ്പിക്കുന്നത് ..അങ്ങനെ അടിയറവു വെച്ച നമ്മുടെതായിരുന്ന ,നമ്മെ നാമാക്കി മാറ്റിയിരുന്ന ആ സത്യങ്ങള്‍ തേടിയുള്ള ഈ യാത്രയില്‍ ...നിങ്ങളെ ഹൃദയപൂര്‍വ്വം ക്ഷണിച്ചുകൊള്ളുന്നു..ഞാന്‍ മണ്മറഞ്ഞു പോയാലും ,ഞാനെഴുതിയ ഈ വരികളും അതിലെ ആശയങ്ങളും എക്കാലവും എന്നെ നിങ്ങളുടെ ഇടയില്‍ ജീവിപ്പിക്കും എന്നുള്ള വിശ്വാസത്തില്‍...

Tuesday, July 9, 2013

പാവക്കളി









മാളോരെ നിങ്ങളറിഞ്ഞോ

ഇന്നിവിടെ പാവക്കളിയുണ്ട്

രാജാവും റാണിയും മന്ത്രിയും

പണ്ഡിതനും പാമരനും അങ്ങനെ

അങ്ങനെ കുറെ വേഷങ്ങള്‍

പകല്‍ മുഴുവന്‍ ഒലിച്ചു പോകാത്ത

മൂടുപടം ധരിച്ച വേഷങ്ങള്‍

തലയും കയ്യും കാലും നൂലിന്മേല്

ബന്ധിച്ച ആടാന്‍ പാകത്തിലുള്ള വേഷങ്ങള്‍

ആര്‍ക്കോ വേണ്ടി എന്തിനോ വേണ്ടി

ചലിക്കുന്ന പകല്‍ വേഷങ്ങള്‍

വേഷപകര്ച്ചകള്‍ ഭക്ഷിക്കാന്‍

എത്തുന്ന നരഭോഗികളാണതില്‍ ഏറെയും

ഇടക്കാലത്തെപ്പോഴോ ഞാനുമണിഞ്ഞു

മനോഹരമായൊരു പ്രച്ഛന്ന വേഷം

കാലം എനിക്ക് സമ്മാനിച്ച വേഷം

പകല്‍ വേഷങ്ങള്‍ കണ്ടു മടങ്ങിയവര്‍

ഇതാ മടങ്ങുന്നു ഇരവിന്റെ മറവിലേക്ക്

മറ്റൊരു വേഷം ചാര്‍ത്താന്‍

ഇനി നേരം പുലരാന്‍ അധികമില്ല

അടുത്ത പാവക്കളി കാണാന്‍.


നിങ്ങള്‍ക്കിഷ്ടപ്പെട്ടവ