ജീവിത ഗന്ധിയായ സംഗീതം പോലെ...വേനലിലെ കുളിര്‍മഴ പോലെ....ആത്മ നൊമ്പരങ്ങളുടെ......തുടിപ്പുകളിലൂടെയുള്ളൊരു യാത്ര..!

Ash Welcomes U..!




എന്നെ കുറിച്ച്..

My photo
കണ്ണുകള്‍ ഉണ്ടായിട്ടും കാണാതെ പോവുന്ന ചില സത്യങ്ങള്‍..യാഥാര്‍ത്ഥ്യങ്ങള്‍ക്കു മുന്നില്‍ നാം പോലുമറിയാതെ അടഞ്ഞു പോവുന്ന നമ്മുടെ ഉള്‍ കണ്ണുകള്‍ ..ഇതിലേക്കുള്ള എന്‍റെ ഈ പ്രയാണത്തില്‍ നിങ്ങളെ ഞാന്‍ സ്വാഗതം ചെയ്യുന്നു.. പ്രിയ സുഹൃത്തുക്കളേ , നിങ്ങളുടെ മനസ്സിന്റെ കോണില്‍ ചടഞ്ഞു കൂടിരിയിരിക്കുന്ന ചിന്തകളെ വെളിച്ചത്തിലേയ്ക്കു കൊണ്ട് വരുവാന്‍ ഞാന്‍ ആഗ്രഹിക്കുന്നു...നമ്മുടെ ''മനഃസാക്ഷി'' നാം ഇവടെ തുറന്നു കാട്ടുന്നു...പലപ്പോഴും, വ്യക്തികളും സാഹചര്യങ്ങളും പരിമിതികളും നമ്മുടെ ഈ മനസ്സാക്ഷിക്കു മേല്‍ ഭാരമേല്‍ക്കുന്നത് കൊണ്ടാവാം, നമ്മുടെതെന്ന് കരുതുന്ന ചില ജീവിത മൂല്യങ്ങളെ നമ്മില്‍ തന്നെ അടിയറവു വെയ്ക്കാന്‍ നമ്മെ പ്രേരിപ്പിക്കുന്നത് ..അങ്ങനെ അടിയറവു വെച്ച നമ്മുടെതായിരുന്ന ,നമ്മെ നാമാക്കി മാറ്റിയിരുന്ന ആ സത്യങ്ങള്‍ തേടിയുള്ള ഈ യാത്രയില്‍ ...നിങ്ങളെ ഹൃദയപൂര്‍വ്വം ക്ഷണിച്ചുകൊള്ളുന്നു..ഞാന്‍ മണ്മറഞ്ഞു പോയാലും ,ഞാനെഴുതിയ ഈ വരികളും അതിലെ ആശയങ്ങളും എക്കാലവും എന്നെ നിങ്ങളുടെ ഇടയില്‍ ജീവിപ്പിക്കും എന്നുള്ള വിശ്വാസത്തില്‍...

Sunday, February 10, 2013

ജന്മ ജന്മാന്തരങ്ങള്‍ (അദ്ധ്യായം - രണ്ട് )






ആ കത്ത് അവള്‍ പല ആവര്‍ത്തി വായിച്ചു.. വായിക്കുന്തോറും എന്തോ ഒരിഷ്ടം മനസ്സില്‍ അവള്‍ക്കു തോന്നി തുടങ്ങിയിരുന്നു.പക്ഷേ ഇക്കാലമാത്രയും ഒരു  അന്യ പുരുഷനോട് നേരെ മുഖം നോക്കി സംസാരിക്കാന്‍ പോലും അറിയാത്ത അവള്‍ക്ക് ഇതെങ്ങനെ അവന്‍റെ മുന്നില്‍ പറയും എന്നൊന്നും നിശ്ചയം ഉണ്ടായിരുന്നില്ല.. പതിവ് പോലെ അവള്‍ പിറ്റേന്ന് ഓഫീസിലേക്ക് പോകാന്‍ ഇറങ്ങുമ്പോള്‍ വഴിയില്‍ അവന്‍ കാത്തു നില്‍പ്പുണ്ടായിരുന്നു..കണ്ട മാത്രയില്‍ അവളുടെ മുഖത്ത് ഒരു പുഞ്ചിരി വിടര്‍ന്നു. അവനും ചിരിച്ചു. ബസ്സിനുള്ള സമയം ആയതിനാല്‍ പിന്നെ കാണാം എന്ന് പറഞ്ഞ് അവര്‍ പിരിഞ്ഞു. അതവരുടെ പ്രണയത്തിന്‍റെ ആരംഭം  ആയിരുന്നു.

പിന്നീട് അങ്ങോട്ടുള്ള ദിവസങ്ങളില്‍ അവര്‍ കാണുമെങ്കിലും ഒന്നും സംസാരിക്കുമായിരുന്നില്ല.അവരുടെ ഇഷ്ടങ്ങള്‍ ഫോണിലൂടെ അവര്‍ കൈമാറി. അന്നവരുടെ കയ്യില്‍ കമ്പ്യൂട്ടറും, ലാപ്ടോപും മറ്റും  ഉണ്ടായിരുന്നില്ല. ആ സമയത്താണ് ഒരു ഓഫര്‍ അവരുടെ ശ്രെദ്ധയില്‍ പെട്ടത്.  രണ്ടുപേരും നേരത്തെ തീരുമാനിച്ച സ്ഥലത്തു വന്നു ഓരോരോ ലാപ്ടോപ് വാങ്ങി, തിരക്കേറിയ നഗര വീഥികളിലൂടെ പതിയെ നടന്നു നീങ്ങി.. അവര്‍ വിശേഷങ്ങള്‍ പങ്കുവെച്ചു. നടക്കുന്ന്തിനിടയിലെപ്പോഴോ  അവരുടെ വിരലുകള്‍ അവര്‍ അറിയാതെ സ്പര്‍ശിച്ച മാത്രയില്‍ അവര്‍ തിരിച്ചറിഞ്ഞു ഉള്ളില്ലേ സ്നേഹത്തിന്റെ തീവ്രത. അവര്‍ കൂടുതല്‍ അടുക്കാന്‍ തുടങ്ങി..

അവനു, ജോലി കഴിഞ്ഞാല്‍ പിന്നെ ആകെ കൂട്ട് അവളോട്‌ മാത്രമായിരുന്നു. അവര്‍ രചിക്കാന്‍ തുടങ്ങി അവരുടെ കുഞ്ഞു ലോകത്തെ പറ്റി..അവളുണ്ടാക്കുന്ന വിഭവങ്ങളില്‍ അവന്‍ പങ്കു പറ്റി. അവളുടെ ഇഷ്ടങ്ങളില്‍ ഒന്നാണ് ചോക്ലൈറ്റ്‌. ഇതറിഞ്ഞ്  അവന്‍, അവള്‍ക്കു നല്‍കാന്‍ എന്നും രാവിലെ ഒരു ചോക്ലൈറ്റ്‌ കരുതിയിരുന്നു. . അവന്‍റെ ഓഫീസ്‌ സമയം നേരത്തെ തീരുന്നതിനാല്‍, പലപ്പോഴും, അവളെയും കാത്ത് അവളുടെ ഓഫീസിനു മുന്നില്‍ നില്‍ക്കുവായിരുന്നു. ബസ്സിനു പോകാനുള്ള ദൂരം ഉണ്ടായിരുന്നെങ്കിലും അവര്‍ രണ്ടുപേരും നടന്നു തന്നെ വീട്ടിലേക്കു പോകുമായിരുന്നു. ഈ യാത്രകള്‍ അവരെ കൂടുതല്‍ അടുപ്പിച്ചു. അവളുടെ ഉള്ളിലെ ഒരു കുഞ്ഞു ഭയം കൊണ്ടായിരിക്കാം അമിതമായി ഉള്ളിലെ സ്നേഹം അവനോടു പങ്കുവെക്കാന്‍ അവള്‍ക്കു പറ്റുന്നില്ലായിരുന്നു.. എന്നാല്‍ അവനാകട്ടെ.. ഉള്ളിലെ സ്നേഹം മുഴുവന്‍ അവളിലേക്ക് ഒഴുക്കുകയായിരുന്നു.. അവളുടെ ചെറിയ നിശബ്ദത പോലും അവനെ അസ്വസ്ഥമാക്കുമായിരുന്നു.. എങ്കിലും ഒരിക്കല്‍ പോലും മുഖം കറുത്ത് അവളോട്‌ സംസാരിക്കാന്‍ അവനു പറ്റുമായിരുന്നില്ല.. അവളുടെ ഇഷ്ടവും, സമാധാനവും ആയിരുന്നു അവനു ആദ്യം നോക്കിയിരുന്നത്..

ഏറ്റവും സുദൃഢവും  പവിത്രവുമായ ആ സ്നേഹ ബന്ധം അങ്ങനെ  വളരുകയായിരുന്നു...


                                                                (തുടരും..)

                                                                                                      

നിങ്ങള്‍ക്കിഷ്ടപ്പെട്ടവ