ജീവിത ഗന്ധിയായ സംഗീതം പോലെ...വേനലിലെ കുളിര്‍മഴ പോലെ....ആത്മ നൊമ്പരങ്ങളുടെ......തുടിപ്പുകളിലൂടെയുള്ളൊരു യാത്ര..!

Ash Welcomes U..!




എന്നെ കുറിച്ച്..

My photo
കണ്ണുകള്‍ ഉണ്ടായിട്ടും കാണാതെ പോവുന്ന ചില സത്യങ്ങള്‍..യാഥാര്‍ത്ഥ്യങ്ങള്‍ക്കു മുന്നില്‍ നാം പോലുമറിയാതെ അടഞ്ഞു പോവുന്ന നമ്മുടെ ഉള്‍ കണ്ണുകള്‍ ..ഇതിലേക്കുള്ള എന്‍റെ ഈ പ്രയാണത്തില്‍ നിങ്ങളെ ഞാന്‍ സ്വാഗതം ചെയ്യുന്നു.. പ്രിയ സുഹൃത്തുക്കളേ , നിങ്ങളുടെ മനസ്സിന്റെ കോണില്‍ ചടഞ്ഞു കൂടിരിയിരിക്കുന്ന ചിന്തകളെ വെളിച്ചത്തിലേയ്ക്കു കൊണ്ട് വരുവാന്‍ ഞാന്‍ ആഗ്രഹിക്കുന്നു...നമ്മുടെ ''മനഃസാക്ഷി'' നാം ഇവടെ തുറന്നു കാട്ടുന്നു...പലപ്പോഴും, വ്യക്തികളും സാഹചര്യങ്ങളും പരിമിതികളും നമ്മുടെ ഈ മനസ്സാക്ഷിക്കു മേല്‍ ഭാരമേല്‍ക്കുന്നത് കൊണ്ടാവാം, നമ്മുടെതെന്ന് കരുതുന്ന ചില ജീവിത മൂല്യങ്ങളെ നമ്മില്‍ തന്നെ അടിയറവു വെയ്ക്കാന്‍ നമ്മെ പ്രേരിപ്പിക്കുന്നത് ..അങ്ങനെ അടിയറവു വെച്ച നമ്മുടെതായിരുന്ന ,നമ്മെ നാമാക്കി മാറ്റിയിരുന്ന ആ സത്യങ്ങള്‍ തേടിയുള്ള ഈ യാത്രയില്‍ ...നിങ്ങളെ ഹൃദയപൂര്‍വ്വം ക്ഷണിച്ചുകൊള്ളുന്നു..ഞാന്‍ മണ്മറഞ്ഞു പോയാലും ,ഞാനെഴുതിയ ഈ വരികളും അതിലെ ആശയങ്ങളും എക്കാലവും എന്നെ നിങ്ങളുടെ ഇടയില്‍ ജീവിപ്പിക്കും എന്നുള്ള വിശ്വാസത്തില്‍...

Tuesday 2 April 2013

ജന്മ ജന്മാന്തരങ്ങള്‍ (അദ്ധ്യായം - നാല്)





നിരാശയോടെ അവന്‍ വീട്ടിലേക്ക് പോകാനായി  ഓട്ടോയില്‍ കയറി.  ഓട്ടോയിലിരുന്നും അവന്‍ പല തവണ അവളെ വിളിക്കാന്‍ ശ്രമിച്ചിരുന്നു. വീടിനടുത്ത് എത്തിയപ്പോള്‍ അവിടെ അവന്‍റെ ബന്ധുക്കളെല്ലാം വന്നിട്ടുണ്ട്. കാര്യം എന്തെന്ന് അറിയാതെ അവന്‍ വേഗം അകത്തേക്ക് ചെന്നു. അവന്‍റെ ഉമ്മ കരഞ്ഞു കൊണ്ട് അവനെ കെട്ടിപ്പിടിച്ചു കരയാന്‍ തുടങ്ങി. മോനെ... നമ്...മ്മുടെ  ഉപ്പ... അവര്‍ക്ക് വാക്കുകള്‍ മുഴുമിപ്പിക്കാന്‍ ആയില്ല. അവന്‍റെ തോളിലേക്ക് അവര്‍ ബോധരഹിതയായി വീണു. അവനു വീട്ടില്‍ എന്താ സംഭവിക്കുന്നത്  എന്ന് അറിയുന്നുണ്ടായിരുന്നില്ല. അവന്‍ നേരെ ഉപ്പ കിടക്കുന്ന മുറിയിലേക്ക്  പോയി.. തളര്‍ന്നു ഉറങ്ങുന്ന ഉപ്പയുടെ അരികിലേക്ക് അവന്‍ ചെന്നിരുന്നു. ''ഉപ്പാ...ഉപ്പാ... ഇങ്ങക്ക് ഇത് എന്താ പറ്റീത് ?" അടുത്ത് നില്‍ക്കുന്ന ഉപ്പയുടെ  അടുത്ത സുഹൃത്ത് അവനോട് പറഞ്ഞു. ''ഓന് ചെറിയൊരു നെഞ്ഞ് ബെര്ത്തം വന്നതാ മാനേ.... ഇപ്പൊ നല്ല മയക്കത്തിലാ.. ഇയ്യിപ്പോ നെലേം വിളീം കൂട്ടി ഓനെ ഒണത്തണ്ട...'

ഒരു വശത്ത്‌ അവളുടെ മൗനം,മറുവശത്ത്‌ ഉപ്പയുടെ ഈ അവസ്ഥയും. അവന്‍ വീടിന്‍റെ പുറകു വശത്തേക്കു  മാറി അവളെ ഒന്നു കൂടെ  വിളിച്ചുനോക്കി. ഹാ, ഇപ്പൊ റിംഗ് ചെയ്യുന്നുണ്ട്. അവള്‍ അറ്റന്‍ഡ് ചെയ്തു.. പക്ഷെ ഒന്നും മിണ്ടിയില്ല.." ഹലോ.. ഹെലോ ..അവന്‍ വിളിച്ചു.."ഉം" ഇത് മാത്രം ആയിരുന്നു അവളുടെ മറുപടി. " നക്ക് ഇതെന്താ പറ്റിയേ?  യ്യെന്തിനാ മൊബൈല്‍ സ്വിച്ചോഫ് ചീതു വെച്ചത്?  ഞാനിന്ന് വരുന്നെന്നു നേരത്തെ പറഞ്ഞീര്ന്നില്ലേ..?' അങ്ങനെ ഒരു നൂറു ചോദ്യങ്ങള്‍. ഒന്നിനും അവള്‍ ഉത്തരം നല്‍കിയില്ല.."മോളെ നക്കിതെന്തു പറ്റി? അവന്‍ വീണ്ടും ചോദിച്ചു. അവള്‍ പറഞ്ഞു- " നമ്മള്‍ എന്നും കാണാറുള്ള സ്ഥലമില്ലേ, അവിടേക്ക് ഇന്ന് വൈകീട്ട് വരണം, എനിക്ക് കുറച്ചു കാര്യങ്ങള്‍ പറയാന്‍ ഉണ്ട്." അവള്‍ ഫോണ്‍ വെച്ചു. "ഹെലോ..അവന്‍ വീണ്ടും വിളിച്ചു.പക്ഷെ ഫോണ്‍ അപ്പോഴേക്കും കട്ട് ചെയ്തിരുന്നു. അവന്‍റെ മനസ്സ് ആകെ അസ്വസ്ഥതകള്‍ കൊണ്ടു പുകഞ്ഞു . സമയം അഞ്ചാവാന്‍ അവന്‍ കാത്തു നിന്നു.

ഇതിനിടയില്‍ ഉപ്പ ഉണര്‍ന്ന് അവനെ തിരക്കി. അവന്‍ മുറിയിലേക്ക് ഓടി ചെന്നു. ബാക്കി ബന്ധുക്കളെ എല്ലാം പുറത്തു നിര്‍ത്തി, കതകടക്കാന്‍ പറഞ്ഞു." ഉപ്പാ, ഇങ്ങള്‍ക്ക്‌ ഇത് എന്താ പറ്റീത് ? "മോനേ, നിക്ക് ബയസ്സായി വര്ണു.. അനക്ക് തായെ രണ്ടു പേരൂടെണ്ട്.. ന്റെ കണ്ണ് അടീണീനും മുന്നേ അന്റെ നിക്കാഹു കാണണം..ഡെല്ലീല് ന്റെ ചെങ്ങായി ഐദരാലീടെ ഒരു മോള്ണ്ട്, സുഹറ! അനക്ക് വേണ്ടി ഓളെയാ ഞാന്‍ കണ്ടുവെച്ച്ക്കണത്..ഞാന്‍ ഓന്വായി ഇക്കാര്യം സംസാരിച്ചു കയ്ഞ്ഞു..ഓനും അതില് എതിര്‍പ്പൊന്നും ഇല്ല..ഇനി യ്യായിട്ട് വേണ്ടാന്ന് പറയാതിരുന്നാല്‍ മതി. യ്യ് ഉപ്പക്കിപ്പൊ സമ്മതാണെന്നു വാക്ക് തരണം. 'അവന്‍റെ ദേഹം തളരുന്നപോലെ തോന്നി.ആകെ ഒരു മരവിപ്പ്...!  എന്താണു പറയേണ്ടതെന്നറിയാതെ  അവന്‍ നിലത്തു നോക്കിയിരുന്നു..
'മോനേ..'
അവന്‍ ഉപ്പയെ നോക്കി. 
' അനക്ക് എന്താ പറ്റിയേ? '
അവരുടെ സംസാരത്തിനിടയില്‍ ഉമ്മ അകത്തേക്ക് കയറി വന്നു. കൂടെ അവരുടെ ഒരു അകന്ന ബന്ധുവും. അവന്‍ ഒന്നും പറയാതെ മുറിവിട്ടു പോയി..

അവളെ കാണാനുള്ള സമയം ആയി വരുന്നു. അസ്വസ്ഥമായ മനസ്സോടെ അവന്‍ ബൈക്ക് എടുത്തു പുറത്തേക്കു പോയി. കണ്ണിലാകെ ഇരുട്ടു കയറുന്നതുപോലെ തോന്നി. ബൈക്കിന്‍റെ വേഗത കൂടിയത്  അവന്‍ അറിഞ്ഞില്ല..അത് നേരെ ഒരു ലോറിയില്‍ കൊണ്ട് ഇടിച്ച് അവന്‍ റോഡിന്‍റെ ഒരു വശത്തേക്ക് തെറിച്ചു വീണു; പോക്കെറ്റില്‍ ഇട്ടിരുന്ന മൊബൈലും എവിടെയോ തെറിച്ചു.

അവള്‍ നേരത്തെ പറഞ്ഞുറപ്പിച്ച  സമയത്ത് തന്നെ  പതിവായി തങ്ങള്‍ കാണാറുള്ള മാളിനടുത്തെത്തി . നേരം ഇരുട്ടി വരുന്നു, ഏറെ നേരം കഴിഞ്ഞിട്ടും അവന്‍ എത്തിയില്ല. സാധാരണ എന്നും ഒരു മിനിട്ടെങ്കിലും നേരത്തെ എത്താറുള്ള ആളാണല്ലോ..ഇന്ന് എന്ത് പറ്റി ??

അവള്‍ അവനെ വിളിക്കാനായി ഫോണ്‍ എടുത്തു...


                                            (തുടരും....)

നിങ്ങള്‍ക്കിഷ്ടപ്പെട്ടവ