ജീവിത ഗന്ധിയായ സംഗീതം പോലെ...വേനലിലെ കുളിര്‍മഴ പോലെ....ആത്മ നൊമ്പരങ്ങളുടെ......തുടിപ്പുകളിലൂടെയുള്ളൊരു യാത്ര..!

Ash Welcomes U..!




എന്നെ കുറിച്ച്..

My photo
കണ്ണുകള്‍ ഉണ്ടായിട്ടും കാണാതെ പോവുന്ന ചില സത്യങ്ങള്‍..യാഥാര്‍ത്ഥ്യങ്ങള്‍ക്കു മുന്നില്‍ നാം പോലുമറിയാതെ അടഞ്ഞു പോവുന്ന നമ്മുടെ ഉള്‍ കണ്ണുകള്‍ ..ഇതിലേക്കുള്ള എന്‍റെ ഈ പ്രയാണത്തില്‍ നിങ്ങളെ ഞാന്‍ സ്വാഗതം ചെയ്യുന്നു.. പ്രിയ സുഹൃത്തുക്കളേ , നിങ്ങളുടെ മനസ്സിന്റെ കോണില്‍ ചടഞ്ഞു കൂടിരിയിരിക്കുന്ന ചിന്തകളെ വെളിച്ചത്തിലേയ്ക്കു കൊണ്ട് വരുവാന്‍ ഞാന്‍ ആഗ്രഹിക്കുന്നു...നമ്മുടെ ''മനഃസാക്ഷി'' നാം ഇവടെ തുറന്നു കാട്ടുന്നു...പലപ്പോഴും, വ്യക്തികളും സാഹചര്യങ്ങളും പരിമിതികളും നമ്മുടെ ഈ മനസ്സാക്ഷിക്കു മേല്‍ ഭാരമേല്‍ക്കുന്നത് കൊണ്ടാവാം, നമ്മുടെതെന്ന് കരുതുന്ന ചില ജീവിത മൂല്യങ്ങളെ നമ്മില്‍ തന്നെ അടിയറവു വെയ്ക്കാന്‍ നമ്മെ പ്രേരിപ്പിക്കുന്നത് ..അങ്ങനെ അടിയറവു വെച്ച നമ്മുടെതായിരുന്ന ,നമ്മെ നാമാക്കി മാറ്റിയിരുന്ന ആ സത്യങ്ങള്‍ തേടിയുള്ള ഈ യാത്രയില്‍ ...നിങ്ങളെ ഹൃദയപൂര്‍വ്വം ക്ഷണിച്ചുകൊള്ളുന്നു..ഞാന്‍ മണ്മറഞ്ഞു പോയാലും ,ഞാനെഴുതിയ ഈ വരികളും അതിലെ ആശയങ്ങളും എക്കാലവും എന്നെ നിങ്ങളുടെ ഇടയില്‍ ജീവിപ്പിക്കും എന്നുള്ള വിശ്വാസത്തില്‍...

Wednesday, January 9, 2013

ജന്മ ജന്മാന്തരങ്ങള്‍..(അദ്ധ്യായം - ഒന്ന്)




       

  അവന്‍ അവളിലെക്കോ...അവള്‍ അവനിലേക്കോ?? അവര്‍ പോലുമറിയാതെ വിധിയുടെ ചങ്ങലകള്‍ പൊട്ടിച്ച്  കൊണ്ടുള്ള  ഒരു കൂടിച്ചേരല്‍.. പക്ഷെ അവരുടെ ഈ സംഗമത്തിന്  ആദ്യത്തേക്കാള്‍ ആഴവും വ്യാപ്തിയും   ഉണ്ടായിരുന്നു.. പരസ്പരം ഒന്നും  ഉരിയാടാതെ നടന്ന നീണ്ട കുറെ വര്‍ഷങ്ങള്‍!  മനസ്സിലെ സ്നേഹം മുഴുവന്‍ അവള്‍ അടക്കി പിടിച്ചു അവനെ പിരിഞ്ഞ നാളുകള്‍.. പക്ഷെ അവനു അത്  താങ്ങാവുന്നതില്‍ അധികമായ ഒരു വേദനയായി മാറി.... 

ആദ്യമായ്‌ അവന്‍ അവളെ കണ്ടത്‌  വളരെ യാദ്രിശ്ചികമായിട്ടായിരുന്നു.. ആ കാഴ്ച്ച വെറുതെ ആയിരുന്നില്ല... തുടര്‍ന്നുള്ള പല ദിവസങ്ങള്‍ അവന്‍ , അവള്‍ അറിയാതെ കണ്ടു.. ആ മുഖം മനസ്സില്‍ അങ്ങനെ പതിഞ്ഞ് അവന്‍ അതിനെ സ്നേഹിച്ചു തുടങ്ങി..തന്നെ ആരോ പിന്തുടരുണ്ടെന്നു അറിഞ്ഞ് അവള്‍ ആദ്യമായി അവന്‍റെ കണ്ണുകളിലേക്ക് നോക്കി ചോദിച്ചു..." എന്നെ അറിയുമോ"? ഒട്ടും പ്രതീക്ഷിക്കാത്ത ആ  ചോദ്യം അവനെ ആകെ വല്ലാതാക്കി.. ചിരിച്ചു കൊണ്ട് അവളുടെ ദൃഷ്ടിയില്‍ നിന്ന് മറഞ്ഞെങ്കിലും, അവന്‍റെ ഉള്ളിലെ പ്രണയത്തിന് അതൊരു തുടക്കം കുറിക്കലായിരുന്നു.. അന്നവന് ഒട്ടും ഉറങ്ങാന്‍ സാധിച്ചില്ല.. അവളോട്‌ ഒന്നും പറയാതെ വന്നത് ശെരിയായില്ലെന്ന് മനസ്സ് പറയുന്നുണ്ടായിരുന്നു.. കിടക്കപായയില്‍ നിന്ന് എണീറ്റ്‌ അവന്‍ ഒരു കടലാസ്സെടുത്തു എഴുതാന്‍ തുടങ്ങി..ആദ്യമായ്‌ മനസ്സിനിഷ്ടപെട്ട ഒരു പെണ്ണിനോട്‌ എങ്ങനെ എഴുതും എന്നൊന്നും അവന് അറിയുമായിരുന്നില്ല...പക്ഷെ അവന്‍റെ മനസ്സ് അതില്‍ അവന്‍ കുറിച്ചിട്ടു.. താഴെ ആയി അവന്‍റെ ഫോണ്‍ നമ്പറും.

നേരം പുലരുന്നെ ഉള്ളൂ.. അവളെ കണ്ട് ആ  കത്ത് കൈമാറാന്‍ ഉള്ള ഒരു വെപ്രാളം അവന്‍റെ മുഖത്ത് നന്നായി നിഴലിക്കുന്നുണ്ടായിരുന്നു..അവള്‍ നടന്നു വരുന്നത്  കണ്ട്, അവന്‍ ധൃതിയില്‍ ആ കത്ത് കൊടത്തു  കൊണ്ട് പറഞ്ഞു-" എനിക്ക് പറയാന്‍ ഉള്ളതെല്ലാം ഇതില്‍ ഉണ്ട്" എന്നിട്ട് എങ്ങോ പോയ്മറഞ്ഞു..  എന്താണ് സംഭവിക്കുന്നത് എന്നറിയാതെ അവള്‍ കുറച്ചു നേരം അവിടെ തന്നെ നിന്നു. പിന്നെ ആ കത്ത് തന്‍റെ ബാഗില്‍ ഇട്ട് ഓഫീസിലേക്ക് പുറപ്പെട്ടു. ബസ്‌ യാത്രക്കിടയില്‍ അവള്‍ അവന്‍റെ മനസ്സ് അടുത്തറിഞ്ഞു.. പക്ഷെ ഒന്നും തോന്നിയിരുന്നില്ല..നേരിട്ട് സംസാരിക്കാന്‍ അവള്‍ അവന്‍റെ ആ നമ്പറിലേക്ക്  പല തവണ വിളിക്കാന്‍ ശ്രമിച്ചു. പക്ഷെ അത് സ്വിച്ച് ഓഫ്‌ ആയിരുന്നു.
   
ആ ദിവസം അങ്ങനെ കടന്നു പോയി. ..
                                                                  (തുടരും..)
                                                                                                                             



2 comments:

  1. ങാഹാ....
    തുടരുമോ?
    എന്നാല്‍ തുടര്‍ന്നും വായിയ്ക്കാം.

    (സ്വന്തം കഥയൊന്നും അല്ലല്ലോല്ലേ!)

    ReplyDelete
  2. നന്ദി അജിത്‌...

    തീര്‍ച്ചയായും, ഇതൊരു തുടര്‍ക്കഥ തന്നെ ആണ്.. ജീവശ്വാസം നിലയ്ക്കും വരെ ഇതില്‍ ജീവന്‍ പകര്‍ന്നു നല്‍കാന്‍ സാധിക്കട്ടെ എന്ന് പ്രാര്‍ഥിക്കുന്നു.

    ഹ ഹ ഹ ... സ്വന്തം കഥ ആയാലും, അല്ലെങ്കിലും.. ഇതില്‍ ജീവന്‍റെ സ്പന്ദനം അനുഭവവേദ്യമാക്കാന്‍ സാധിക്കണം എന്ന് ആഗ്രഹിക്കുന്നു..

    ആഷ്.

    ReplyDelete

നിങ്ങള്‍ക്കിഷ്ടപ്പെട്ടവ