ജീവിത ഗന്ധിയായ സംഗീതം പോലെ...വേനലിലെ കുളിര്‍മഴ പോലെ....ആത്മ നൊമ്പരങ്ങളുടെ......തുടിപ്പുകളിലൂടെയുള്ളൊരു യാത്ര..!

Ash Welcomes U..!




എന്നെ കുറിച്ച്..

My photo
കണ്ണുകള്‍ ഉണ്ടായിട്ടും കാണാതെ പോവുന്ന ചില സത്യങ്ങള്‍..യാഥാര്‍ത്ഥ്യങ്ങള്‍ക്കു മുന്നില്‍ നാം പോലുമറിയാതെ അടഞ്ഞു പോവുന്ന നമ്മുടെ ഉള്‍ കണ്ണുകള്‍ ..ഇതിലേക്കുള്ള എന്‍റെ ഈ പ്രയാണത്തില്‍ നിങ്ങളെ ഞാന്‍ സ്വാഗതം ചെയ്യുന്നു.. പ്രിയ സുഹൃത്തുക്കളേ , നിങ്ങളുടെ മനസ്സിന്റെ കോണില്‍ ചടഞ്ഞു കൂടിരിയിരിക്കുന്ന ചിന്തകളെ വെളിച്ചത്തിലേയ്ക്കു കൊണ്ട് വരുവാന്‍ ഞാന്‍ ആഗ്രഹിക്കുന്നു...നമ്മുടെ ''മനഃസാക്ഷി'' നാം ഇവടെ തുറന്നു കാട്ടുന്നു...പലപ്പോഴും, വ്യക്തികളും സാഹചര്യങ്ങളും പരിമിതികളും നമ്മുടെ ഈ മനസ്സാക്ഷിക്കു മേല്‍ ഭാരമേല്‍ക്കുന്നത് കൊണ്ടാവാം, നമ്മുടെതെന്ന് കരുതുന്ന ചില ജീവിത മൂല്യങ്ങളെ നമ്മില്‍ തന്നെ അടിയറവു വെയ്ക്കാന്‍ നമ്മെ പ്രേരിപ്പിക്കുന്നത് ..അങ്ങനെ അടിയറവു വെച്ച നമ്മുടെതായിരുന്ന ,നമ്മെ നാമാക്കി മാറ്റിയിരുന്ന ആ സത്യങ്ങള്‍ തേടിയുള്ള ഈ യാത്രയില്‍ ...നിങ്ങളെ ഹൃദയപൂര്‍വ്വം ക്ഷണിച്ചുകൊള്ളുന്നു..ഞാന്‍ മണ്മറഞ്ഞു പോയാലും ,ഞാനെഴുതിയ ഈ വരികളും അതിലെ ആശയങ്ങളും എക്കാലവും എന്നെ നിങ്ങളുടെ ഇടയില്‍ ജീവിപ്പിക്കും എന്നുള്ള വിശ്വാസത്തില്‍...

Saturday, March 9, 2013

ജന്മ ജന്മാന്തരങ്ങള്‍ (അദ്ധ്യായം- മൂന്ന്)






അങ്ങനെ ഇരിക്കെയാണ് അവന് അത്യാവശ്യമായി ഡല്‍ഹി വരെ പോകേണ്ടി വന്നത്.  പോകാന്‍ മനസ്സ് അനുവദിക്കുന്നില്ലെങ്കിലും, വീട്ടുകാരുടെ നിര്‍ബന്ധപ്രകാരം, അവന്‍ അവളോട്‌ യാത്ര പറഞ്ഞ് ട്രെയിന്‍ കയറി.  അവന്‍റെ സാമീപ്യക്കുറവ് അവളെ തെല്ലൊന്നുമല്ല ഉലച്ചത്. ദിവസവും അവന്‍ അവളെ വിളിച്ച് കാര്യങ്ങള്‍ തിരക്കുമായിരുന്നെങ്കിലും അവളുടെ മനസ്സ് ശൂന്യതയുടെ വക്കത്തായിരുന്നു. ആര്‍ത്തലച്ചു പെയ്യുന്ന മഴയെ നോക്കിയിരിക്കുന്ന ഒരു സന്ധ്യാസമയം, അവളുടെ അമ്മ അവളോട്‌  ഒരു കാര്യം  പറഞ്ഞു.. അപ്പോഴാണ്‌ അവള്‍ തന്‍റെ പ്രായത്തെ കുറിച്ച് ആലോചിക്കുന്നത്. ഒരു വശത്ത് അവളും സഹോദരങ്ങളും കുറെ പ്രാരാബ്ധങ്ങളും.. മറുവശത്ത്‌, അവളെ മാത്രം ജീവനു തുല്യം സ്നേഹിക്കുന്ന അവന്‍..

വീട്ടുകാരെ പറഞ്ഞു ബോദ്ധ്യപ്പെടുത്താന്‍ മാത്രം നിരത്താനുള്ള ന്യായങ്ങള്‍ ഒന്നും അവളുടെ പക്കല്‍ ഉണ്ടായിരുന്നില്ല..അവള്‍ പറയുന്നത് കേള്‍ക്കാനോ, പിന്നീട് ആലോചിച്ചു  തീരുമാനിക്കാനോ അവര്‍ തയ്യാറായിരുന്നില്ല, കാരണം, അവള്‍ക്കു താഴെ അവള്‍ക്കൊപ്പം  വളര്‍ന്നു വരുന്ന രണ്ടു കുഞ്ഞനുജത്തിമാര്‍ ഉണ്ട്... മൂത്തവള്‍ നില്‍ക്കുമ്പോള്‍ താഴെത്തുങ്ങള്‍ക്ക് നല്ലൊരു ബന്ധം വരുന്നതു എങ്ങനെ??മനസ്സിലെ പ്രണയം എങ്ങനെ വീട്ടുകാരോട് പറയും? അതും അന്യ ജാതിയില്‍പെട്ട ഒരാളെ..അവളുടെ മനസ്സ്  ആകെ സംഘര്‍ഷഭരിതമായി. അവനോടു താന്‍ എന്തു പറയും? അവനത് എങ്ങനെ താങ്ങും?? അവള്‍ ആകെ തകര്‍ന്നു പോയി.

ഈ സമയം, അവന്റെ  ഉപ്പയുടെ പരിചയത്തിലെ ഒരു വീട്ടുകാര്‍ അവനെ കാണാന്‍ ഡല്‍ഹിയിലെ താമസ സ്ഥലത്തെത്തി. അവരുടെ മകള്‍ക്കുവേണ്ടി ആയിരുന്നു ആ കൂടിക്കാഴ്ച.. മനസ്സില്‍ സൂക്ഷിച്ച പ്രണയമായിരുന്നു അവന് വലുത്.. തന്‍റെ വരവും കാത്തിരിക്കുന്ന അവളുടെ മുഖം മാത്രമായിരുന്നു അവന്‍റെ കണ്ണില്‍. വന്നവരോട്‌ മാന്യമായി തന്നെ കാര്യങ്ങള്‍ അവതരിപ്പിച്ച് ഏതാനും ദിവസങ്ങള്‍ക്കുള്ളില്‍ അവന്‍ നാട്ടിലേക്കു തിരിച്ചു. യാത്രയിലുടനീളം അവന്‍റെ ചിന്തകളില്‍ എല്ലാം അവളായിരുന്നു.. ഇത്രനാളും കാണാതെ ഇരിക്കുന്ന അവള്‍ക്ക് ഒട്ടും പ്രതീക്ഷിക്കാത്ത ഒരു സമ്മാനവുമായിട്ടാണ് അവന്‍ വരുന്നതു.. 

ട്രെയിന്‍ സ്റ്റേഷനില്‍ എത്തിയ ഉടനെ അവളെ വിളിക്കാന്‍ അവന്‍ മൊബൈല്‍ കയ്യിലെടുത്തു.. പക്ഷെ അവളുടെ മൊബൈല്‍ സ്വിച്ച്ഓഫ്‌ ആയിരുന്നു....


                                                     (തുടരും.....)
                

2 comments:

  1. ങ്ഹേ...
    കാത്തുസൂക്ഷിച്ചൊരു കസ്തൂരിമാമ്പഴം
    കാക്ക കൊത്തിപ്പോയോ..?

    ReplyDelete
  2. :( !

    ഇ മഷിയുടെ ലോഗോ കൂടി ബ്ലോഗില്‍ ചേര്‍ക്കണേ !
    recentകമന്റ്സ് ചേര്‍ക്കുന്നത് നന്നായിരിക്കും
    എഴുത്ത് വിഷയമായതിനാന്‍ ബാക്ക്ഗ്രൌണ്ട് കളര്‍ ലൈറ്റ് ആക്കുന്നതായിരിക്കും നന്നാവുക
    എബൌട്ട്‌ me ഒരു സൈടിലേക്കു മാറ്റുന്നതല്ലേ കൂടുതല്‍ ഭംഗി !

    അസ്രൂസാശംസകള്‍ :)

    ReplyDelete

നിങ്ങള്‍ക്കിഷ്ടപ്പെട്ടവ