ജീവിത ഗന്ധിയായ സംഗീതം പോലെ...വേനലിലെ കുളിര്‍മഴ പോലെ....ആത്മ നൊമ്പരങ്ങളുടെ......തുടിപ്പുകളിലൂടെയുള്ളൊരു യാത്ര..!

Ash Welcomes U..!




എന്നെ കുറിച്ച്..

My photo
കണ്ണുകള്‍ ഉണ്ടായിട്ടും കാണാതെ പോവുന്ന ചില സത്യങ്ങള്‍..യാഥാര്‍ത്ഥ്യങ്ങള്‍ക്കു മുന്നില്‍ നാം പോലുമറിയാതെ അടഞ്ഞു പോവുന്ന നമ്മുടെ ഉള്‍ കണ്ണുകള്‍ ..ഇതിലേക്കുള്ള എന്‍റെ ഈ പ്രയാണത്തില്‍ നിങ്ങളെ ഞാന്‍ സ്വാഗതം ചെയ്യുന്നു.. പ്രിയ സുഹൃത്തുക്കളേ , നിങ്ങളുടെ മനസ്സിന്റെ കോണില്‍ ചടഞ്ഞു കൂടിരിയിരിക്കുന്ന ചിന്തകളെ വെളിച്ചത്തിലേയ്ക്കു കൊണ്ട് വരുവാന്‍ ഞാന്‍ ആഗ്രഹിക്കുന്നു...നമ്മുടെ ''മനഃസാക്ഷി'' നാം ഇവടെ തുറന്നു കാട്ടുന്നു...പലപ്പോഴും, വ്യക്തികളും സാഹചര്യങ്ങളും പരിമിതികളും നമ്മുടെ ഈ മനസ്സാക്ഷിക്കു മേല്‍ ഭാരമേല്‍ക്കുന്നത് കൊണ്ടാവാം, നമ്മുടെതെന്ന് കരുതുന്ന ചില ജീവിത മൂല്യങ്ങളെ നമ്മില്‍ തന്നെ അടിയറവു വെയ്ക്കാന്‍ നമ്മെ പ്രേരിപ്പിക്കുന്നത് ..അങ്ങനെ അടിയറവു വെച്ച നമ്മുടെതായിരുന്ന ,നമ്മെ നാമാക്കി മാറ്റിയിരുന്ന ആ സത്യങ്ങള്‍ തേടിയുള്ള ഈ യാത്രയില്‍ ...നിങ്ങളെ ഹൃദയപൂര്‍വ്വം ക്ഷണിച്ചുകൊള്ളുന്നു..ഞാന്‍ മണ്മറഞ്ഞു പോയാലും ,ഞാനെഴുതിയ ഈ വരികളും അതിലെ ആശയങ്ങളും എക്കാലവും എന്നെ നിങ്ങളുടെ ഇടയില്‍ ജീവിപ്പിക്കും എന്നുള്ള വിശ്വാസത്തില്‍...

Saturday, September 14, 2013

ഞാന്‍ എന്ന സ്വത്വം...






ഞാന്‍ എന്ന വാക്കിനര്‍ത്ഥമെന്ത്

ജന്മം കൊണ്ട് "ഞാന്‍" എന്ന വാക്കി

നൊരു പേര് നല്‍കി വിളിച്ചു "നീ"-

എന്‍റെ ചൂണ്ടു വിരലിനുത്തരമാണ് നീ..

ഞാന്‍ ഞാനാണെന്നിരിക്കിലും

എന്‍റെ പേര് എനിക്ക് സ്വന്തമാകിലും

അപരന്‍റെ പേര് നല്‍കി എന്നെ നീ

പലകുറി ആക്ഷേപിച്ചതെന്തിന്

ചിലര്‍ക്ക് ഞാന്‍ കാവ്യയോ മാധവിക്കുട്ടിയോ

മറ്റു ചിലര്‍ക്കൊരു കോമാളിയോ

എങ്കിലും ഞാന്‍ ഞാനല്ലാതാകുന്നില്ലല്ലോ

ഞാനെന്ന വാക്കിലാണെന്‍റെ അസ്തിത്വം

നിന്‍റെ ജല്പനങ്ങള്‍ കൊണ്ടതിന്‍റെ

അടിവേരിളകിയെങ്കില്‍ ---അവിടെ

മരിച്ചു ഈ ഞാന്‍ എന്ന സ്വത്വം!


12 comments:

  1. തിരിച്ചറിയപ്പെടായ്മകളിലുഴലുന്ന നേരത്ത്
    മനസ്സിന്റെ ആകുലതകള്‍ അടര്‍ന്നുവീണതോ,
    അതോ
    സ്വത്വമെന്ന സത്യത്തെ പൊളിച്ചെഴുതുന്നതോ...?

    ReplyDelete
  2. സകലരും സ്വയം ചോദിക്കുന്ന ഒന്നാണ് താന്‍ ആരാണെന്ന്‍. തന്നില്‍ സംശയം ഉള്ള എല്ലാവരും മറ്റുള്ളവരോട് ചോദിച്ചുകൊണ്ടുമിരിക്കും..

    ReplyDelete
  3. കുറച്ചധികം ജീവിച്ചു കഴിയുമ്പോള്‍ സ്വയം തെളിയും ഞാന്‍ ആരാണ്,എന്തിനാണ് ? അതുവരെ ഒരു തിരച്ചിലായി കിടക്കട്ടെ ഈ ചോദ്യം .

    ReplyDelete
  4. ഞാനൊരുപാട് ആലോചിച്ചുനോക്കി....ഞാനാരാണന്നു!
    ഇന്നും ഞാന്‍ അന്വോഷിച്ചു കൊണ്ടിരിക്കുകയാണ്....:)

    ReplyDelete
  5. ജീവിതം അതിന്റെ അന്വേഷണത്തിലാണ് , ഉത്തരമോ ജീവിതത്തില്‍ നിന്നുമേ ലഭിക്കുകയുമുള്ളൂ ...

    ചിന്തനീയമായ വരികള്‍ക്ക് ആശംസകള്‍ ...!

    ReplyDelete
  6. ബ്ലോഗ്‌ ടൈറ്റില്‍ സ്പേസ് ഓക്കേ ഇട്ടു എഴുതൂ മാഷേ..ബ്ലോഗ്‌ പേര് വായിക്കാന്‍ കുറച്ചു മിന ക്കെട്ടു ഞാന്‍, "മൈഇന്‍വിസിബിള്‍ഐസ്"

    ReplyDelete
  7. കുറേ ജീവിച്ചു കഴിയുമ്പോൾ ഈ ചോദ്യത്തിനുള്ള ഉത്തരം ലഭിക്കും....
    അപ്പോഴേക്കും അരങ്ങൊഴിയാൻ നേരമായിട്ടുണ്ടാവും....

    ReplyDelete
  8. സുന്ദരമായ വരികള്‍...

    ReplyDelete
  9. നാം പഠിച്ചതിനും അറിഞ്ഞതിനുമപ്പുറമാണ് ജീവിതം !

    ReplyDelete
  10. അപ്പൊ ഞാൻ ആരാ ... ? എന്തരോ എന്തോ !!!
    ആശംസകള്‍.
    വീണ്ടും വരാം ....സസ്നേഹം ,
    ആഷിക് തിരൂർ

    ReplyDelete
  11. ഞാൻ എന്നത് ഓർമ്മകൾ മാത്രമായിരിക്കാം.
    ഒരുക്കുവാൻ ഉള്ളതിന്റെ അതിര് വരെയല്ലേ ഞാനുള്ളൂ.
    നല്ല വരികൾ !

    ReplyDelete

നിങ്ങള്‍ക്കിഷ്ടപ്പെട്ടവ